రోడ్డు ప్రమాదంలో యువకుడు మృతి
చర్ల, నవంబర్‌ 16 (పీపుల్స్‌డైరీ) : చర్ల సరిహద్దు రాష్ట్రమైన ఛత్తీస్‌ఘడ్‌ సుక్మా ప్రాంతానికి దగ్గరలో ఉన్న దోర్నపాల్‌లో జరిగిన రోడ్డు ప్రమాదంలో ఒక యువకుడు మృతిచెందాడు. అయితే సీఆర్పీఎఫ్‌ వాహనం బైక్‌ రైడర్‌ను ఢీ కొట్టినట్లుగా తెలుస్తుంది. ప్రస్తుతం డ్రైవర్‌ పరారీలో ఉన్నట్లు సమాచారం. ప్రమాదానికి కారణమైన వాహనం దోర్నపాల్‌ పోలీసుల అదుపులో ఉంది. వాహనం ఏ బెటాలియన్‌కి సంబంధించింది అనేది పోలీసులు దర్యాప్తు చేస్తున్నారు. దోర్నపాల్‌ పోలీస్‌ స్టేషన్‌ ఇన్‌ఛార్జ్‌ సిన్హా ఈ విషయాన్ని తెలియ చేసారు.