– భారీగా తరలివచ్చిన మహిళలు
గణపురం,నవంబర్ 25( పీపుల్స్ డైరీ ): మండల కేంద్రంలోని కాకతీయుల శ్రీ రాఘవేంద్ర నాగలింగేశ్వర స్వామి (రెడ్డిగుడి)ఆలయంలో కార్తీకమాసం చివరి సోమవారం సందర్భంగా పార్వతీ పరమేశ్వరుల కళ్యాణ మహోత్సవం అంగరంగ వైభవంగా నిర్వహించారు. కళ్యాణం జరిపిస్తున్న మోటపోతుల సరిత రవీందర్ దంపతులచే పురోహితులు వినయ్ శర్మ, భద్రయ్యలు క్రతువు నిర్వహించగా గ్రామానికి చెందిన మహిళలు, భక్తులు అధిక సంఖ్యలో పాల్గొన్నారు. పార్వతీ పరమేశ్వరుల కళ్యాణం అనంతరం మహా అన్నదాన కార్యక్రమం నిర్వహించారు. ఈ కార్యక్రమంలో ఆలయ నిర్వహకులు రావుల సురేష్, మోటపోతుల రాజన్న, ఉయ్యాల బిక్షపతి, మాజీ ఎంపిటిసి మోటపోతుల శివ శంకర్, మార్కెట్ కమిటీ డైరెక్టర్ కటుకూరి శ్రీనివాస్, కాంగ్రెస్ పార్టీ మండల అధ్యక్షుడు రేపాక రాజేందర్, నాయకులు ఇమ్మడి వెంకటేశ్వర్లు, పాశికంటి రామకృష్ణ, ల్యాదళ్ల సమ్మయ్య, దూడపాక దుర్గయ్య, ఓరుగంటి కృష్ణ, మార్క కుమార్, మొగిలి, పాలకుర్తి వెంకటేష్, మండ చంద్రమోహన్, చిర్ర మధు, మార్క రవి తదితరులు పాల్గొన్నారు.