మాలల సింహ గర్జన పోస్టర్ విడుదల

దుగ్గొండి : మాలల సింహగర్జనను విజయవంతం చేయాలని మాల మహానాడు  దుగ్గొండి మండల అధ్యక్షుడు ఈద విజయేందర్ పిలుపు ఇచ్చారు. డిసెంబర్ 1న పరేడ్ గ్రౌండ్లో జరిగే మాలల సింహ గర్జనను విజయవంతం చేయాలని ఆల్ మాల స్టూడెంట్స్ అసోసియేషన్ (అంసా) రూపొందించిన పోస్టర్ ను శనివారం  ఈద విజయేందర్  విడుదల చేశారు. ఈ సందర్భంగా ఆయన మాట్లాడుతూ “మాలల అస్తిత్వం, ఆత్మ గౌరవం కోసం మాలలను ఐక్యం చేయడం కోసం డిసెంబర్ 1 న హైదరాబాద్ పరేడ్ గ్రౌండ్లో మాలల సింహ గర్జన బహిరంగ సభ నిర్వహిస్తున్నాం. మాలలకు వ్యతిరేకంగా సుప్రీం కోర్టు ఇచ్చిన తీర్పును ఖండిస్తూ మాల మహానాడు ఉద్యమించక తప్పదన్నారు .ఈ సభ ఎవరికీ వ్యతిరేకం కాదని, మాల జాతి జాగృతం కోసమే నిర్వహిస్తున్నామని,  తెలంగాణ విద్యార్థులు, యువత, ఉద్యోగులు, ప్రజలందరూ పెద్ద ఎత్తున తరలి వచ్చి హైదరాబాద్ నగరాన్ని నీలిమయం చేయాలని అన్నారు.  ఈ కార్యక్రమంలో గంపలపల్లి కిరణ్ కుమార్, గురిమెళ్ళ దేవేందర్, గురుమిళ్ళ, రవి, భాష, కొమ్మలు, చిన్నయ్య, రాజు, బాబు తదితరులు పాల్గొన్నారు