ఘనంగా జన్మదిన వేడుకలు
ఓం భైరవ ఓం కాలభైరవ అంటు మార్మోగిన ఆలయం
కామారెడ్డి, నవంబర్ 23, పీపుల్స్ డైరీ :
ఘనంగా జన్మదిన వేడుకలు నిర్వహించామని కాలభైరవ ఆలయ సిబ్బంది తెలిపారు ఈ సందర్భంగా ఈవో ప్రభు స్వామి మాట్లాడుతూ,ఓం ఓం భైరవ ఓం కాలభైరవ అంటు మార్మోగిన ఆలయం అని శ్రీ ఆలయ సిబ్బంది తెలిపారు. భక్తులు తెల్లవారుజామునే పలు ప్రాంతా ల నుండి వివిధ మార్గాల గుండా ఆలయానికి చేరుకొని మూల భావి వద్ద స్నానం ఆచరించి, తడి బట్టలతో కాలభైరవ స్వామి కీ జలాభిషేకం భక్తులు నిర్వహించారని చెప్పారు. ఉదయం డోలారోహణం ,సుప్రభాత సేవ కార్యక్రమాలు నిర్వహించమన్నారు. ఈ సందర్భంగా ఆలయ ప్రధాన అర్చకులు శ్రీనివాస్ శర్మ మాట్లాడుతూ కార్తీక మాసం సందర్భం గా ప్రతి ఏటలాగే ఈ సంవత్సరం శ్రీ కాలభైరవ స్వామి ఆలయంలో ఉత్సవమూర్తికి ఘనంగా జన్మదినం వేడుకలు నిర్వహించామని అన్నారు. భక్తులు శ్రీ కాలభైరవ స్వామి ఆలయం వద్ద రకరకాల వివిధ రకాల పువ్వులతో స్వామివారిని అలంకరించి ప్రత్యేక పూజలు నిర్వహించారని అన్నారు. కరెన్సీ నోట్ల దండ , అప్పడాలు దండలు వేసి ప్రత్యేక పూజలు నిర్వహించామని చెప్పారు . ఉత్సవ మూర్తిని తొట్లేలో వేసి జో…లాలి… పాటలతో ఆలపించి తమ భక్తిని చాటుకున్న భక్తులు. పూజలో భాగంగా భజన సంకీర్తనలతో ఆలయం మార్మోగింద న్నారు. భక్తుల తాకిడికి ఆలయ ప్రాంగణం కిటకిటలాడిందని చెప్పారు. భక్తులు వెంట తెచ్చుకున్న మొక్కులను , కట్న కానుకలు ధర్మ హుండీ లో వేసి మొక్కలను తీర్చుకున్నారు. అనంతరం ప్రధాన అర్చకులు భక్తులను వేదమంత్రోత్స వాలతో ఆశీర్వదించి తీర్థ ప్రసాదాలను వితరణ చేశారు. అనంతరం ఏర్పాటు చేసిన అన్నదాన కార్యక్రమంలో భక్తులు పాల్గొన్నారు. ఈ కార్యక్రమంలో భక్తులు ఆలయ సిబ్బంది ఆలయ ధర్మకర్తల మండల సభ్యులు ఎంపీపీ దశరథ్ రెడ్డి తదితరులు పాల్గొన్నారు