సైదాపూర్ మండలంలోని సోమారం గ్రామపంచాయతీ కార్యాలయంలో ఆదివారం గణతంత్ర దినోత్సవం సందర్భంగా గ్రామపంచాయతీ కార్యదర్శి యు రాజీవ్ జాతీయ జెండా ఎగురవేసే క్రమంలో దారం తెగి కింద పడిపోయినది. నిర్లక్ష్యం కారణంగా జాతీయ జెండాకు అవమానం జరిగిందనే విమర్శలు వ్యక్తమయ్యాయి . ఈ విషయాన్ని కార్యదర్శి దృష్టికి తీసుకెళ్ళినప్పటికీ జెండాను సరిచేసే ప్రయత్నం చేయకపోవడం పట్ల పలువురు ఆగ్రహం వ్యక్తం చేశారు. వెంటనే జాతీయజెండా అవమానపరిచిన కార్యదర్శి పై చర్యలు తీసుకోవాలని కోరుతున్నారు. విద్యా వంతుడై ఉండి కింద పడేసి ఆవిష్కరించడం విమర్శకు కారణమైంది. బాధ్యత గల వ్యక్తి జెండా ఆవిష్కరణలో ఇలా వ్యవహరించడం బాధాకరమని మండల ప్రజలు చర్చించుకుంటున్నారు.

The post జాతీయ జెండాకు అవమానం.* first appeared on People's Diary.

వీటికి కారణం విద్యుత్ అధికారులే.

భవనాలకు అంత దగ్గరగా పోల్స్ లను పెట్టి భవనాలకు తాకే విదంగా లైన్లను వేయడం.

మొత్తం బాధ్యత స్థానిక బిల్డర్,విద్యుత్ అధికారి ఏఈ తీసుకుని వఫై కుటుంబ సభ్యులకు ఆర్థికంగా ఆదుకోవాలి.

దుండిగల్, పీపుల్స్ డైరీ,జనవరి 20:

దుండిగల్ పోలీస్ స్టేషన్ పరిధిలోని ఆకాశ లేఔట్ రోడ్ నెంబర్ 3,మల్లంపేట్ లో ఈరోజు సాయంత్రం భవన నిర్మాణ కార్మికుడు ఎలక్ట్రిక్ షాక్ తగిలి ప్రమాదవశాత్తు మరణించడం జరిగింది. వివరాల్లోకి వెళితే మృతుడు సిద్ధార్థ వర్మ (31)తండ్రి పేరు నారాయణ,రెండు సంవత్సరాల క్రితం బ్రతుకు తెరువు నిమిత్తం హైదరాబాద్ వచ్చి భవన కార్మికుడిగా పనిచేస్తున్నాడు. రోజు మాదిరిగానే ఈరోజు పని చేస్తుండగా తను పనిచేస్తున్న నిర్మాణంలో ఉన్న ఇంటికి మొదటి ఫ్లోర్ ఎక్కి సెంట్రింగ్ రాడ్ ఫిట్ చేద్దామని సెంట్రింగ్ రాడ్ చేతిలో పట్టుకుని పొరపాటున పక్కనే ఉన్న రోడ్డుని అనుకోని ఉన్న ఎలక్ట్రిక్ వైరుని ఆర్టీ సెంట్రింగ్ రాడ్ తగలడం వల్ల, ప్రమాదవశాత్తు విద్యుత్ శాఖకు గురై అక్కడికక్కడే కింద పడ్డాడు.సహచరులు అతన్ని వెంటనే మమత హాస్పిటల్ కి అంబులెన్స్ లో తీసుకెళ్లగా,అప్పటికే మరణించినాడని తెలిపినారు.ఇట్టి విషయంలో కేసును నమోదు చేసుకొని దర్యాప్తు ప్రారంభించడం జరిగింది. మృతదేహాన్ని శవ పరీక్ష నిమిత్తంగాంధీ ఆసుపత్రికి తరలించడం జరిగింది.

The post విద్యుత్ వైర్లు తగిలి సెంట్రింగ్ కార్మికుడు మృతి first appeared on People's Diary.

• సొంతంగా వాడుతున్న ఇంజనీరింగ్‌ టెక్నాలజీ
• అడవుల్లో బయల్పడిన మావోల ఆయుధ కర్మాగారం
• తుమ్రైల్‌-తాలిపేరు నది మధ్య డెన్‌
• శత్రువు గుర్తించకుండా సొరంగంలో యంత్రాల ఏర్పాటు
• భారీ మొత్తంలో నక్సల్స్‌ డంప్‌ మెటీరియల్‌ స్వాధీనం

పీపుల్స్‌డైరీ-చర్ల :

మావోయిస్టులు ఇంజనీరింగ్‌ అండ్‌ టెక్నాలజీ విషయంలో అప్‌డేట్‌ అవుతున్నట్టు స్పష్టమవుతోంది. గతంలో ఆయుధాలను ఇతర ప్రాంతాల నుంచి దిగుమతి చేసుకునే పరిస్థితి ఉండేది. కానీ ప్రస్తుతం మావోలే సొంతంగా ఆయుధాలను తయారు చేసుకునే స్థితికి ఎదిగినట్టు అవగతమవుతోంది. నిన్న పోలీసులు అడవుల్లో కనుగొన్న డెన్‌ను బట్టి అనేక చర్చలు పోలీసు వర్గాల్లో జరుగుతున్నాయి. సుక్మా-బీజాపూర్‌ సరిహద్దులో ఎన్‌కౌంటర్‌ తర్వాత, ఆ ప్రాంతాన్ని డిఆర్‌జి బలగాలు పరిశోధించగా మావోయిస్టులు ఏర్పాటు చేసుకున్న భారీ సొరంగాన్ని కనుగొన్నారు. విద్యుత్‌ తీగలు, భారీ యంత్రం, నూతన టెక్నాలజీని ఉపయోగించేలా ఇంజనీరింగ్‌ పరికరాలు లభ్యం కావడంతో పోలీసులు విస్తుపోయారు. సుక్మా`బీజాపూర్‌ సరిహద్దు ప్రాంతంలో ఉన్న తుమ్రైల్‌ ` తాల్పేరు నది మధ్య మావోయిస్టు డంప్‌ను డీఆర్‌జీ సుక్మా సైనికులు స్వాధీనం చేసుకున్నారు. మావోయిస్టులు ఆయుధాలు, పేలుడు పదార్థాల తయారీకి అవసరమైన సామాగ్రిని సొరంగంలో నిర్మించుకున్నారు. మావోయిస్టులే సొంతంగా కొత్త టెక్నాలజీని అవలంభించడం ద్వారా సైనికులకు హానీ చేయాలని ప్లాన్‌లో ఉన్నట్టు స్పష్టమవుతోంది. బాంబుల తయారీకి ఉపయోగించే గాజు సీసాలు, సొరంగం నుంచి ఆయుధాల తయారీ యంత్రం, ఎలక్ట్రిక్‌ వైర్‌, బాటిల్‌ బాంబు, భారీ మొత్తంలో నక్సల్స్‌ డంప్‌ మెటీరియల్‌ స్వాధీనం చేసుకున్నారు. గతంలో బాంబుల తయారీని మావోలే సొంతంగా తయారుచేసుకున్నప్పటికీ ప్రస్తుతం మారణాయులు కూడా వారే సొంతంగా తయారు చేసుకుంటున్నారా? అనే అనుమానాలు వ్యక్తమవుతున్నాయి. ప్రస్తుతం పోలీసు వర్గాల నక్సల్స్‌ కార్యకలాపాలను ఎప్పటికప్పుడు తెలుసుకుంటున్న క్రమంలో ఇతర ప్రాంతాల నుంచి ఆయుధాల దిగుమతి ప్రక్రియ కష్టంగా మారినట్టు తెలుస్తోంది. ఈ క్రమంలో తామే ఆయుధాల తయారీ చేసుకోవాలని నక్సల్స్‌ భావిస్తున్నట్టు సమాచారం. అయితే ఇలాంటి డెన్‌ కేవలం ఇక్కడ మాత్రమే ఉందా? ఇతర అనేక ప్రాంతాల్లో కూడా ఏర్పాటు చేసుకున్నారా? అని పోలీసులు అనుమానిస్తున్నారు. పోలీసులను ధీటుగా ఎదుర్కొనేందుకు నక్సల్స్‌ శతవిధాలా ప్రయత్నిస్తున్నారు. గతంలో కూడా పోలీసుల కంటపడకుండా ఉండేందుకు రక్షణ కోసం భారీ సొరంగ మార్గాలు అడవుల్లో బయటపడిన విషయం తెలిసిందే.

The post మావోల కొత్తపుంతలు… first appeared on People's Diary.

లంచం తీసుకుంటూ జగిత్యాల జిల్లా మెట్ పల్లి సబ్ రిజిస్ట్రార్ ఆసిఫోద్దిన్ బుదవారం ఏసీబీకి చిక్కారు. భూ యజమాని ఇచ్చిన స‌మాచారం మేర‌కు కార్యాలయంలో ఏసీబీ అధికారులు బుధవారం దాడులు నిర్వహించారు.

మెట్ పల్లి పట్టణంలో సాయిరాం కాలనీ లోని 266 గజాల స్థలం ను మార్టిగేజ్ చేయడానికి సబ్ రిజిస్ట్రార్ పదివేలు డిమాం డ్ చేశారు. స్తోమత లేని భూ య‌జ‌మాని ఎసిబికి స‌మాచారం అందించాడు

దీంతో ఏసిబి డిఎస్పి రమణమూర్తి కార్యాలయం పై దాడులు నిర్వహించి అవినీతి అధికారిని రెడ్ హ్యాండెడ్ గా పట్టుకున్నారు

మొదటి విడతలో రూ. 5 వేలు లంచం తీసుకుంటుం డగా ఎసిబి అధికారులు స‌బ్ రిజిస్ట్రార్ ను పట్టుకున్నారు. అలాగే ఔట్ సోర్సింగ్ అటెండర్ బాణోతు రవి కుమార్, డాక్యుమెంట్ రైటర్ అసిస్టెంట్ ఆర్మూర్ రవిని అదుపులోకి తీసుకున్నా మని ఏసీబీ అధికారులు తెలిపారు.

The post ఏసీబీకి పట్టుబడ్డ అవినీతి అధికారి?* first appeared on People's Diary.

ఖమ్మం పత్తి మార్కెట్ లో భారీ అగ్నిప్రమాదం జరిగింది.. షార్ట్ సర్క్యూట్ తో ఇద్దరు వ్యాపారులకు చెందిన సుమారు 1200 బస్తాల పత్తి దగ్ధం అయ్యింది. రూ. 70 లక్షలు నష్టం వాటిల్లిందని అంచనా వేస్తున్నారు. వెంటనే మంత్రి తుమ్మల నాగేశ్వరరావు స్పందించారు. అధికార యంత్రాంగాన్ని సంఘటన స్థలానికి చేరుకోవాలని ఆదేశించారు.పోలీస్‌ కమిషనర్‌ సునీల్‌దత్‌తో మాట్లాడటంతో ఇతర అధికార యంత్రాంగాన్ని సైతం అప్రమత్తం చేశారు. మార్కెటింగ్, ఫైర్, పోలీస్‌ అధికారులు సంఘటన స్థలానికి వెళ్ళిన పూర్తి వివరాలు సేకరించారు..ఫైర్ ఇంజన్ల సాయంతో మంటల్ని అదుపులోకి తెచ్చారు. సెలవు రోజుల్లో ఈ సంఘటన జరగటంపై వివరాలు సేకరించి నివేదిక ఇవ్వాలని అధికార యంత్రాంగాన్ని మంత్రి తుమ్మల ఆదేశించారు

The post ఖమ్మం పత్తి మార్కెట్ లో భారీ అగ్నిప్రమాదం first appeared on People's Diary.

సంక్రాంతి వేడుకలకు వేళయింది. నేటినుంచి మూడు రోజుల పాటు సంక్రాంతి సంబురాలు నిర్వహించుకోనున్నారు. ఇంటి ముంగిట కొత్త శోభను సంతరించే విధంగా రంగు రంగులతో ముత్యాల ముగ్గులు వేసేందుకు మహిళలు సిద్ధమయ్యారు. నేడు (సోమవారం) భోగి, మంగళవారం సంక్రాంతి, బుధవారం కనుమ పండగలను నిర్వహించుకోనున్నారు. పండగను పురస్కరించుకొని పిండి వంటకాల తయారీలో మహిళలు బిజీగా ఉన్నారు. సంక్రాంతి సెలవులు రావడంతో విద్యార్థులు, ఇతర ప్రాంతాల్లో ఉంటున్న వారు, బంధువులు ఇళ్లకు చేరడంతో ఊళ్లలో పండగ వాతావరణం సంతరించుకుంది. రైతన్నలు పండించిన పంటలు ఇళ్లకు చేరడంతో ఆవు పేడ, గరక, పిండి గడ్డితో గౌరమ్మలను తయారుచేసి నవ ధాన్యాలలో ఇంటి గుమ్మాలు, వాకిళ్లలో అలంకరించనున్నారు. హరిదాసు కీర్తనలతో పాటు గంగిరెద్దులు విన్యాసాలు చేయనున్నాయి.

The post నేడు భోగి పల్లెల్లో మొదలైన సంక్రాంతి సందడి  first appeared on People's Diary.

పీపుల్స్ డైరీ:

ఖమ్మం: తెలంగాణ మంత్రి పొంగులేటి శ్రీనివాస్ డ్డి ప్రయాణిస్తున్న కారు ఆదివారం రాత్రి ప్రమాదానికి గురైంది. వరంగల్ నుంచి ఖమ్మం వస్తుండగా తిరుమలాయపాలెం వద్ద ఒకే సారి రెండు టైర్లు పేలడంతో కారు అదుపుతప్పింది. కారు డ్రైవర్ చాకచక్యంగా వ్యవహరించడంతో పెను ప్రమాదం తప్పింది. ఘటన తర్వాత మంత్రి పొంగులేటి ఎస్కార్ట్ వాహనంలో ఖమ్మం చేరుకున్నారు. ప్రమాదం జరిగిన సమయంలో కారులో మంత్రితోపాటు భద్రాచలం ఎమ్మెల్యే తెల్లం వెంకట్రావ్, డీసీసీబీ డైరెక్టర్లు బొర్రా రాజశేఖర్, తుళ్లూరి బ్రహ్మయ్య ఉన్నారు.

The post పండగపూట మంత్రి పొంగులేటికి తప్పిన ప్రమాదం first appeared on People's Diary.

పండగ పూట తీవ్ర విషాదం నెలకొంది. గ్రామపంచాయతీ ట్రాక్టర్ బోల్తా పడి వ్యక్తి మృతి చెందారు. కుటుంబం ఇంటి పెద్ద దిక్కును కోల్పోయింది. ఈ హృదయ విషాద సంఘటన మాడుగుల పల్లి మండలంలో ఆదివారం చోటుచేసుకుంది. ఎస్సై కృష్ణయ్య తెలిపిన వివరాల ప్రకారం….. మండలంలోని ఆగా మోత్కూర్ గ్రామపంచాయతీ మల్టీపర్పస్ వర్కర్ గంజి పాపయ్య (45), నామ అందాలు పనిచేస్తున్నారు. చిన్న గూడెం గ్రామంలో నీటిని సప్లై చేసి తిరిగి వస్తున్న క్రమంలో గ్రామంలోని కందిమల్ల వెంకటరెడ్డి దొడ్డి వద్దగల మూలమలుపుపై ప్రమాదవశాత్తు వాటర్ ట్యాంకర్ బోల్తా పడింది. ఈ ప్రమాదంలో గంజి పాపయ్య స్పృహ కోల్పోగా, మరొక వ్యక్తికి స్వల్ప చికిత్స నిమిత్తం మిర్యాలగూడ ప్రభుత్వ ఏరియా ఆసుపత్రికి తరలించగా గంజి పాపయ్య అప్పటికే మృతి చెందినట్లు డాక్టర్లు ధ్రువీకరించారు. పోస్టుమార్టం నిమిత్తం మృతదేహాన్ని ఏరియా ఆసుపత్రి లో పొందుపరిచినట్లు తెలిపారు. పంచాయతీ కార్యదర్శి మోదుగు నాగేందర్ రెడ్డి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు పేర్కొన్నారు.

The post ట్రాక్టర్ బోల్తా పడి గ్రామపంచాయతీ వర్కర్ మృతి first appeared on People's Diary.

*-గోగుల రాణా ప్రతాప్ రెడ్డి.*

నల్లబెల్లి మండల భారతీయ జనతా పార్టీ ఆధ్వర్యంలో మండల పార్టీ అధ్యక్షులు తడుక వినయ్ గౌడ్ ఆధ్వర్యంలో ఈరోజు నల్లబెల్లి మండల కేంద్రంలోని బస్టాండ్ ఆవరణలో స్వామి వివేకానంద విగ్రహం వద్ద జయంతి ఉత్సవం ఘనంగా నిర్వహించబడింది.ఈ కార్యక్రమం జాతీయ యువజన దినోత్సవం సందర్భంగా నిర్వహించబడింది.ఈ కార్యక్రమానికి ముఖ్య అతిధిగా భారతీయ జనతా పార్టీ జిల్లా ప్రధాన కార్యదర్శి గోగుల రాణా ప్రతాప్ రెడ్డి హాజరయ్యారు.ఈ సందర్భంగా రాణా ప్రతాప్ రెడ్డి మాట్లాడుతూ..

యువత వివేకనంద అడుగుజాడల్లో నడవాలని ఆయన మాటలే యువతకు స్ఫూర్తిదాయకమని అన్నారు.స్వామి వివేకానంద భారతదేశం గర్వపడే గొప్ప తత్వవేత్త మరియు ఆధ్యాత్మిక నాయకుడు.ప్రశ్నించే స్వభావం,జ్ఞానం తెలుసుకోవాలనే ఆసక్తి ఆయనను ప్రత్యేక వ్యక్తిగా తీర్చిదిద్దాయి అని అన్నారు.”స్వామిజీ ‘యువతే దేశ భవిష్యత్తు’ అనే నమ్మకంతో యువతను ప్రేరేపించారు.ఆయన జీవితంలో పాటించిన ఆదర్శాలు,ఉపదేశాలు నేటికీ కోట్లాది మందికి మార్గదర్శకంగా నిలుస్తున్నాయి”అని తెలియజేశారు.ఈ కార్యక్రమంలో బీజేవైఎం రాష్ట్ర ఉపాధ్యక్షులు కుమార్ యాదవ్,బీజేపీ జిల్లా కార్యదర్శులు తడుక అశోక్ గౌడ్,గుడిపూడి రాధాకృష్ణ,పార్లమెంట్ కో-కన్వీనర్ జిల్లా నాయకులు బచ్చు వెంకటేశ్వర్ రావు,పెరుమాండ్ల కోటి,వల్లే పార్వతలు,ఈర్ల నాగరాజు,బీజేవైఎం జిల్లా ప్రధాన కార్యదర్శి అచ్చ దయాకర్,బీజేవైఎం జిల్లా ఉపాధ్యక్షులు విగ్నేష్ గౌడ్,గుర్రపు నరేష్,ఊటుకూరి చిరంజీవి,గుగులోతు తిరుపతి,దికొండ సునీల్,మురికి మనోహర్,కొండ్లె రమేష్,చుక్క శ్రీకాంత్,గుగులోతు రాందాన్,కామెర పాపయ్య,నాగరాజు,రాజేందర్,అంసింగ్,నవీన్,హరీష్,లోకేష్,బోట్ల ప్రతాప్,తడుక బీమ్, నాగపూరి సాగర్,బుచ్చిరెడ్డి, ఆవునురి భరత్,సిద్దు, సుజిత్ తదితరులు పాల్గొన్నారు.

The post జాతీయ యువజన దినోత్సవం వివేకానంద స్ఫూర్తి first appeared on People's Diary.

*పౌల్ట్రీ ముసుగులో మత్తు దందా.

*5.35 కిలోల ఆల్ఫా జోలం స్వాధీనం.

*మిర్యాలగూడ జనవరి 12 పీపుల్స్ డైరీ):-*

ఆంధ్రప్రదేశ్ మహారాష్ట్ర కర్ణాటక ప్రాంతాల నుంచి అక్రమంగా తెలంగాణ రాష్ట్రంలోకి ఆల్ఫాజోలం సరఫరా చేస్తున్న ముఠా గుట్టు రట్టు చేశారు. తెలంగాణ ఎక్సైజ్ అండ్ ఎన్ఫోర్స్మెంట్ డైరెక్టర్ కమలహాసన్ రెడ్డి ఆధ్వర్యంలో పోలీసులు చర్యలు చేపడుతున్నారు. ఆంధ్రప్రదేశ్ రాష్ట్రం నుంచి తెలంగాణకు ఆల్ఫా జోలం సరఫరా చేస్తున్న ముఠాపై కొంతకాలంగా నిఘ పెట్టిన ఎక్సైజ్ ఎన్ఫోర్స్ మెంట్, ఎస్ టి ఎఫ్ బృందాలు శుక్రవారం రాత్రి ఆంధ్రప్రదేశ్ రాష్ట్రం ప్రకాశం జిల్లా దర్శి నుంచి తెలంగాణకు కారులో ఆల్ఫా జోలం సరఫరా చేస్తుండగా పక్క సమాచారంతో నల్గొండ జిల్లా మిర్యాలగూడ పట్టణంలోని ఈదులగూడెంలో పట్టుకున్నారు. ప్రకాశం జిల్లా దర్శి మండలంలోని ఉమామహేశ్వరం గ్రామానికి చెందిన రాజశేఖర్ రెడ్డి కెమికల్ ఇంజనీరింగ్ పూర్తి చేసి ఉపాధి కోసం కొన్ని సంవత్సరాల క్రితం హైదరాబాదుకు వచ్చి స్థిరపడ్డాడు ఇక్కడ పనిచేస్తూనే తన గ్రామంలో పౌల్ట్రీ ఫార్మ్ పెట్టాడు. ఆ వ్యాపారం ముసుగులో ఆల్ఫా జోలం తయారు చేస్తున్నాడు. ఆల్ఫా జోలాన్ని తెలంగాణతో పాటు ఇతర రాష్ట్రాలకు చేరవేసి సొమ్ము చేసుకుంటున్నాడు.కాగా కొద్ది కాలంగా నిందితుడు కదలికలపై నిగాపెట్టిన అధికారులు పక్కా సమాచారంతో అదుపులోకి తీసుకున్నారు. నిందితుడి కోళ్ల ఫారం యూనిట్ పై దాడి చేసిన తెలంగాణ పోలీసులు ఆల్ఫాజోలం తయారీకి ఉపయోగించే యూనిట్ తో పాటు ముడి సరుకును స్వాధీనం చేసుకున్నారు. ఈ దాడుల్లో 55 లక్షల రూపాయల విలువ చేసే 5.35 కిలోల ఆల్ఫా జోలం స్వాధీనం చేసుకున్నట్లు ఎక్సైజ్ పోలీసులు తెలిపారు.

The post ఆల్ఫాజోలం ముఠా గుట్టు రట్టు first appeared on People's Diary.