చర్ల, నవంబర్‌ 16 (పీపుల్స్‌డైరీ) : చర్ల సరిహద్దు రాష్ట్రమైన ఛత్తీస్‌ఘడ్‌ సుక్మా ప్రాంతానికి దగ్గరలో ఉన్న దోర్నపాల్‌లో జరిగిన రోడ్డు ప్రమాదంలో ఒక యువకుడు మృతిచెందాడు. అయితే సీఆర్పీఎఫ్‌ వాహనం బైక్‌ రైడర్‌ను ఢీ కొట్టినట్లుగా తెలుస్తుంది. ప్రస్తుతం డ్రైవర్‌ పరారీలో ఉన్నట్లు సమాచారం. ప్రమాదానికి కారణమైన వాహనం దోర్నపాల్‌ పోలీసుల అదుపులో ఉంది. వాహనం ఏ బెటాలియన్‌కి సంబంధించింది అనేది పోలీసులు దర్యాప్తు చేస్తున్నారు. దోర్నపాల్‌ పోలీస్‌ స్టేషన్‌ ఇన్‌ఛార్జ్‌ సిన్హా ఈ విషయాన్ని తెలియ చేసారు.

The post రోడ్డు ప్రమాదంలో యువకుడు మృతి first appeared on People's Diary.

నల్లబెల్లి : వరంగల్ జిల్లా నల్లబెల్లి మండలం రుద్రగూడెం గ్రామ మూలమలపు జాతీయ రహదారి 365 పై గురువారం కారు ప్రమాదం జరిగింది. స్థానికులు తెలిపిన వివరాల ప్రకారం ములుగు జిల్లా చర్ల వెంకటాపురం నుండి కారులో కనకపల్లి గణేష్ అతని స్నేహితులు నర్సంపేటకు వెళ్తున్నారు. ఈ క్రమంలో రుద్రగూడెం గ్రామ శివారు మూలమలుపు వద్ద కారు అదుపుతప్పి బోల్తా కొట్టింది. ఈ ప్రమాదంలో కారులో ఉన్న ఎయిర్ బెలూన్స్ ఓపెన్ కావడంతో ఎలాంటి ప్రాణనష్టం జరగలేదు. డ్రైవర్ కు స్వల్ప గాయాలు కాగా 108 వాహనంలో నర్సంపేట ఏరియా ఆస్పత్రికి తరలించినట్లు తెలిపారు. ప్రమాదానికి సంబంధించి స్థానిక ఎస్ఐ ప్రశాంత్ బాబు కేసు నమోదు చేసుకొని దర్యాప్తు చేస్తున్నట్లు తెలిపారు.

The post తృటిలో తప్పిన పెను ప్రమాదం first appeared on People's Diary.

ఓ స్కార్పియో అదుపు తప్పి లోతైన చెరువులో పడిరది. ఈ ప్రమాదంలో ఎనిమిది మంది మృతి చెందారు. వీరంతా ఒకేకుటుంబానికి చెందిన వారిగా గుర్తించారు. ఛత్తీస్‌గఢ్‌లోని బలరాంపూర్‌లో శనివారం అర్ధరాత్రి ఘోర రోడ్డు ప్రమాదం చోటుచేసుకుంది. ఈ ఘటనలో డ్రైవర్‌ తీవ్ర గాయాలతో బయట పడ్డాడు. కానీ, డ్రైవర్‌ ఆసుపత్రిలో చికిత్స పొందుతూ మృతిచెందారు. చెరువులో మరో యువకుడు గల్లంతవ్వగా తెల్లవారు జామున అతడి డెడ్‌ బాడీ స్థానికులు గుర్తించినట్లు తెలుస్తోంది. సమాచారం అందుకున్న రెస్క్యూ టీం సంఘటనా స్థలానికి చేరుకుని హుటాహుటినా సహాయక చర్యలు చేపట్టారు. ఈ ఘోర రోడ్డు ప్రమాదం శనివారం అర్థరాత్రి జరిగింది. చనిపోయినవారిలో మహిళా ఉపాధ్యాయురాలు కూడా ఉంది. మార్గమధ్యంలో రాత్రి భోజనం ముగించుకుని సూరజ్‌పూర్‌కు వెళుతుండగా ఈ ప్రమాదం జరిగినట్లు తెలుస్తోంది. రాజ్‌పూర్లోని బుధ బాగీచా సమీపంలో స్కార్పియో వాహనం అదుపు తప్పి చెరువులో పడిపోయింది. ప్రమాదం జరిగిన వెంటనే గమనించిన స్థానికులు సంఘటనా స్థలానికి చేరుకున్నారు. ముందుగా డ్రైవర్‌ను బయటకు తీసి ఆస్పత్రికి తరలించారు. ఈ ప్రమాదం సమయంలో స్కార్పియోలో మొత్తం ఎనిమిది మంది ఉన్నట్లు తెలుస్తోంది. ఈ ప్రమాదం గురించి ప్రజలు వెంటనే రాజ్‌పూర్‌ పోలీసులకు సమాచారం చేరవేశారు. విషయం తెలుసుకున్న పోలీసులు సంఘటనా స్థలానికి చేరుకుని సుమారు గంటన్నర పాటు శ్రమించిన తర్వాత జేసీబీ సాయంతో స్కార్పియోను బయటకు తీశారు. ఆ వాహనం సెన్సార్‌ కారణంగా తలుపు లాక్‌ చేయబడిరది. దాంతో అందులో ఉన్న వారు బయటకు వచ్చే అవకాశం లేకపోవడంతో అందరూ లోపలే మృతిచెందారు..అతి వేగం, డ్రైవర్‌ మద్యం సేవించడమే ఈ ఘోర ప్రమాదానికి కారణమని అధికారులు భావిస్తున్నారు. ఇక, వెంటనే మృతుల కుటుంబాలకు పోలీసులు సమాచారం అందించారు.

The post ఎనిమిది మంది మృతి.. first appeared on People's Diary.

— దంపతులకు తీవ్ర గాయాలు

— క్షతగాత్రులను భూపాలపల్లి జిల్లా ఆస్పత్రికి తరలింపు

పీపుల్స్ డైరీ, క్రైమ్: గణపురం మండల కేంద్రంలో కారు బీభత్సం సృష్టించింది. ఆదివారం రాత్రి యూనియన్ బ్యాంకు సమీపంలో అతివేగంగా బైకును వెనుక నుండి కారు ఢీ కొట్టింది. ఈ ప్రమాదంలో మండల కేంద్రానికి చెందిన చిలుమోజు భరత్, లాస్యా దంపతులకు తీవ్రంగా గాయాలయ్యాయి. ఈ ఘటనలో కారు బైక్ ను ఢీ కొని కిలో మీటర్ వరకు వెళ్లి బోల్తాపడింది. కారులో ప్రయాణిస్తున్న చిట్యాల మండలంలోని చల్లగరిగెకు చెందిన బండి సంజయ్ అనే వ్యక్తి మండల కేంద్రంలో జరగిన ఓ ఫంక్షన్ కు హాజరై తిరిగి వెళుతున్న క్రమంలో ఈ ప్రమాదం చోటు చేసుకుంది. కాగా కారులో ఉన్న వ్యక్తి మద్యం సేవించి ఉన్నట్లు పోలీసులు గుర్తించారు. మితిమీరిన వేగమే ఈ ప్రమాదానికి కారణమని ప్రత్యక్ష సాక్షులు పేర్కొన్నారు. క్షతగాత్రులైన దంపతులిద్దరిని 108 వాహనంలో భూపాలపల్లి జిల్లా ఆసుపత్రికి తరలించారు. లాస్య పరిస్థితి విషమంగా ఉన్నట్లు సమాచారం.

The post గణపురంలో కారు బీభత్సం… first appeared on People's Diary.